Mormor
Eplemost, 75 cl - Aroma
Mormor vart fødd på Haukeland i 1929. Sommaren 1950 var ho på fisketur på Hardangervidda, med systera, kjærasten hennar og kameraten til kjærasten. Mormor skulle vere anstand og passe på at det ikkje skjedde noko upassande mellom kjærasteparet. Det vart ein vellukka fisketur og to år seinare gifta mormor seg med kameraten frå Hardanger. Dei fekk seks døtre og ein son. Mormor er glad i å klatre og elska å klatre høgt i lange stigar for å hente frukt.
Eg heiter Ingrid og er Hardangerbonden. Eg er utdanna lærar, men har arbeidd som bonde dei siste seks åra. I 2014 overtok eg garden der eg er oppvaksen. Her bur eg med sunnmøringen min Bård og jentene våre, Ida og Tuva. I kårleiligheita på garden bur mor mi, Inger.
På garden har me produksjon av eple, plommer og juletre. No ynskjer me å foredla eigne råvarer gjennom produksjon av eplemost og sider, og hausten 2020 lanserer Hardangerbonden sine fyrste produkt.
I fyrste omgang vert det ein prøveproduksjon og i 2021 skal me byggje ny driftsbyging til produksjon av eplemost og sider. Har du lyst å føgje med på arbeidet og livet på garden kan du følgje @hardangerbonden på Instagram.
